Gebedsversoek 9-15 Januarie: Kom ons loof en prys ons Heer
vir die lieflike reën waarmee Hy ons uitkoms gegee het uit die knellende
droogte. Daar is wel nog steeds dele wat baie droog is en ons harte gaan uit na
ons volksgenote wat so ly. Ag Vader, skenk ook daar uitkoms.
Mag ons nooit hierdie droogte vergeet nie. En mag ons tog
iets geleer het uit hierdie loutering.
Maar ná verloop van tyd het die spruit opgedroog, want daar
was geen reën in die land nie.
I KONINGS 17:7
en hy het weer gebid, en die hemel het reën gegee en die
aarde het sy vrug laat uitspruit.
JAKOBUS 5:18
en my volk, oor wie my Naam uitgeroep is, hulle verootmoedig
en bid en my aangesig soek en hulle bekeer van hul verkeerde weë, dan sal Ék
uit die hemel hoor en hulle sonde vergewe en hulle land genees.
II KRONIEKE 7:14
9 Julle het uitgesien na baie, en kyk, dit het min geword;
en julle het dit in die huis gebring, maar Ek het dit weggeblaas. Waarom?
spreek die Here van die leërskare. Ter wille van my huis wat in puin lê, terwyl
elkeen van julle vir sy eie huis hardloop.
10 Daarom het die hemel bo julle die dou ingehou en die
aarde het sy opbrings teruggehou.
11 En Ek het droogte oor die land geroep en oor die berge en
oor die koring en oor die mos en oor die olie en oor alles wat die grond
oplewer; en oor die mense en oor die diere en oor alle arbeid van die hande.
HAGGAI 1:9-11
Skakel na plasing: https://web.facebook.com/groups/volkseieverootmoedigingsaksie/permalink/723177164503399/
No comments:
Post a Comment