Gebedsversoek vir 28 Nov-4 Des:
Dat ons mense weer op ons Vader vertrou. Baie van ons mense
is bedruk en depressief. Mag ons Heer ons vertroue in Hom herstel
Laat my u goedertierenheid in die môre hoor, want op U
vertrou ek; maak my bekend die pad wat ek moet gaan, want ek hef my siel op tot
U. PSALMS 143:8
Vertrou op die Here met jou hele hart en steun nie op jou
eie insig nie. SPREUKE 3:5 (AFR53)
Want Ek sal jou sekerlik laat vryraak, en jy sal deur die
swaard nie val nie; maar jou siel sal vir jou ’n buit wees, omdat jy op My
vertrou het, spreek die Here. JEREMIA 39:18 (AFR53)
Doel en vrug van
die lyding. Die onsigbare dinge gestel teenoor die sigbare.
¹⁶ DAAROM gee ons nie moed op nie, maar al vergaan ons
uiterlike mens ook, nogtans word die innerlike mens dag ná dag vernuwe.
¹⁷ Want ons ligte verdrukking wat vir ’n oomblik is, bewerk
vir ons ’n alles oortreffende ewige gewig van heerlikheid;
¹⁸ omdat ons nie let op die sigbare dinge nie, maar op die
onsigbare; want die sigbare dinge is tydelik, maar die onsigbare ewig. II
KORINTHIËRS 4: 16-18 AFR53
Weg na die
woestyn! PSALMS 55
¹ VIR die musiekleier; met snaarinstrumente. ’n Onderwysing
van Dawid.
² o God, hoor my
gebed en verberg U nie vir my smeking nie.
³ Luister na my en verhoor my; in my onrus dwaal ek rond en
is verward,
⁴ weens die geroep
van die vyand, weens die geraas van die goddelose; want hulle stort onreg op my
af, en in toorn behandel hulle my as vyand.
⁵ My hart krimp inmekaar in my binneste, en verskrikkinge
van die dood het op my geval.
⁶ Vrees en bewing kom
oor my, en angs oordek my.
⁷ Toe het ek gesê:
Ag, had ek maar vlerke soos ’n duif, dan sou ek wegvlieg en wegbly!
⁸ Kyk, ek sou ver
wegvlug; ek sou vernag in die woestyn! Sela.
⁹ Gou sou ek vir my ’n skuilplek soek teen die onstuimige
wind, teen die storm.
¹⁰ Verwar, Here, verdeel hulle spraak, want ek
sien geweld en twis in die stad.
¹¹ Dag en nag omring hulle dit op sy mure, en binnekant is
onreg en moeite.
¹² Wat onheil
aanbring, is daarbinne, en verdrukking en bedrog wyk nie van sy markplein nie.
¹ ³ Want dit is geen vyand wat my smaad nie, anders sou ek
dit dra; dit is nie my hater wat hom teen my groot maak nie, anders sou ek my
vir hom wegsteek;
¹⁴ maar jy, ’n man soos ek, my vriend en my vertroude!
¹⁵ Ons wat innig met
mekaar omgegaan het, in die huis van God gewandel het met die woelige skare.
¹⁶ Laat die dood hulle oorval, laat hulle
lewendig in die doderyk neerdaal; want boosheid is in hulle woning, in hulle
binneste.
¹⁷ Maar ek, ek roep God aan, en die Here sal my verlos.
¹⁸ Saans en smôrens en smiddags klaag ek en steun, en Hy
hoor my stem.
¹⁹ Hy verlos my siel in vrede van die stryd teen my, want
met menigtes is hulle teen my.
²⁰ God sal hoor en hulle antwoord; ja, Hy wat op die troon
sit van lankal af, Sela; omdat by hulle geen verbetering is en hulle God nie
vrees nie.
²¹ Hy het sy hande
uitgesteek teen die wat in vrede met hom geleef het; hy het sy verbond
ontheilig.
²² Glad is die botterwoorde van sy mond, maar sy
hart is oorlog; sy woorde is sagter as olie, maar hulle is ontblote swaarde.
²³ Werp jou sorg op
die Here, en Hy sal jou onderhou; Hy sal nooit die regverdige laat wankel nie.
²⁴ Maar U, o God, sal
hulle laat neerdaal in die put van vernietiging; manne van bloed en bedrog sal
hulle dae nie tot op die helfte bring nie; maar ék vertrou op U.
Skakel na plasing:
Gebedsversoek 5-11 Desember:
Ons bid dat die Heilige Gees ons volk sal lei om weer ons geloftes te betaal.
Kyk, op die berge die voete van hom wat die goeie boodskap
bring, wat vrede laat hoor: Vier jou feesdae, o Juda, betaal jou geloftes! Want
die snoodaard sal nooit weer deur jou gebied trek nie; hy is heeltemal
uitgeroei!
NAHUM 1:15
Offer dank aan God, en betaal
jou geloftes aan die Allerhoogste;
PSALMS 50:14
Jy sal tot Hom bid, en Hy sal
jou verhoor; en jy sal jou geloftes betaal.
JOB 22:27
Spreek met die kinders van
Israel en sê vir hulle: As ’n man of ’n vrou ’n besondere gelofte aflê, die
gelofte van ’n nasireër, om hom aan die Here te wy,
NÚMERI 6:2
Skakel na plasing:
VEVA persverklaring:
Volkseie Verootmoedigingsaksie
(VEVA) doen ‘n beroep op alle gelowige volksgenote om Geloftedag te herdenk.
Ons vra dan ook dat Volksverootmoediging ‘n sentrale tema van die herdenking
sal wees. Dit was immers wat die Voortrekkers gedoen het met die aflê van die
gelofte – hulle verootmoedig.
VEVA se doel is om ons volk
bewus te maak dat ons voor God moet verootmoedig. As u bereid is om u deel te
doen in u gebied om te help met hierdie bewusmaking, of as u net meer inligting
wil hê kontak ons gerus by skakel.veva@gail.com of besoek ons fb groep Volkseie
Verootmoedigingsaksie.
Ons vra ook elke week vir u
voorbidding vir ‘n besondere saak:
Ons gebedsversoeke vir Desember
is:
28 Nov-4 Des: Dat ons mense weer
op ons Vader vertrou. Baie van ons mense is bedruk en depressief. Mag ons Heer
ons vertroue in Hom herstel;
5-11 Des: Dat ons volk ons
geloftes sal betaal;
12-18 Des: Dat ons volk sal ophou
om Bacchus (die drankgod) te dien. Ons het onbewustelik ‘n hele kultuur gebou
rondom drank. Ons kan nie meer braaivleis hou sonder om ons te vergryp aan
drank nie. Volksfeeste word deesdae op elke dorp gehou wat eintlik maar
suipfeeste is. As ons kuier wens ons mekaar ‘gesondheid’ toe met die klink van
glase – wat ‘n bygeloof is. Ons goeie wense en eerbetoon op bruilofsonthale
heet ‘heildronke’. Kom ons keer terug na ons God en ons bou weer ons kultuur
rondom Hom.
19-25 Des:Kersfees word
gekenmerk deur oordadige drinkery; brassery (oordadige etery – ja, dit is ook
‘n sonde!); en uitspattige geskenke (materialisme). Kom ons wy eerder hierdie
tyd aan dankbaarheid teenoor ons Verlosser, sodat ons hele lewe aan Hom gewy
sal wees.
26 Des-1 Jan: Ons volk se tyd
raak min. Ons word uitgeroei en vernietig. God se belofte staan dan ook vas dat
Hy ons sal vernietig as ons nie tot Hom bekeer nie (Dt 28:15-68). Ons bid dat
Hy ons sal bekeer, sodat ons onsself kan bekeer (Klaagl 5:21; Jes 1:18,19)
-------
Ons gebedsversoek vir
12-18 Des:
Dat ons volk sal ophou om
Bacchus (die drankgod) te dien. Ons het onbewustelik ‘n hele kultuur gebou
rondom drank. Ons kan nie meer braaivleis hou sonder om ons te vergryp aan
drank nie. Volksfeeste word deesdae op elke dorp gehou wat eintlik maar
suipfeeste is. As ons kuier wens ons mekaar ‘gesondheid’ toe met die klink van
glase – wat ‘n bygeloof is. Ons goeie wense en eerbetoon op bruilofsonthale
heet ‘heildronke’. Kom ons keer terug na ons God en ons bou weer ons kultuur
rondom Hom
en hulle moet aan die oudstes
van sy stad sê: Hierdie seun van ons is koppig en wederstrewig, hy luister nie
na ons stem nie, hy is ’n deurbringer en dronkaard.
DEUTERONÓMIUM 21:20
maar nou skryf ek aan julle om
nie om te gaan met iemand wat, al staan hy as ’n broeder bekend, ’n hoereerder
is of ’n gierigaard of ’n afgodedienaar of ’n kwaadspreker of ’n dronkaard of
’n rower nie; met so iemand moet julle selfs nie saam eet nie.
I KORINTHIËRS 5:11
Moenie dronk word van wyn nie —
daarin is losbandigheid; maar word met die Gees vervul.
EFÉSIËRS 5:18
Skakel na plasing:
19-25 Des: Kersfees
word gekenmerk deur oordadige drinkery; brassery (oordadige etery – ja, dit is
ook ‘n sonde!); en uitspattige geskenke (materialisme). Kom ons wy eerder
hierdie tyd aan dankbaarheid teenoor ons Verlosser, sodat ons hele lewe aan Hom
gewy sal wees.
DIE geboorte van Jesus Christus was dan só: Toe sy moeder
Maria verloof was aan Josef, voordat hulle saamgekom het, is sy swanger bevind
uit die Heilige Gees.
MATTHÉÜS 1:18
Gebedsversoek 26 Des-1 Jan:
Ons volk se tyd raak min. Ons
word uitgeroei en vernietig. God se belofte staan dan ook vas dat Hy ons sal
vernietig as ons nie tot Hom bekeer nie (Dt 28:15-68). Ons bid dat Hy ons sal
bekeer, sodat ons onsself kan bekeer (Klaagl 5:21; Jes 1:18,19)
¹⁸ Kom nou en laat ons die saak
uitmaak, sê die Here: al was julle sondes soos skarlaken, dit sal wit word soos
sneeu; al was dit rooi soos purper, dit sal word soos wol.
¹⁹ As julle gewillig is en
luister, sal julle die goeie van die land eet.
JESAJA 1:18-19
Blogger: http://volkseieverootmoedigingsaksie.blogspot.com/2017/01/gebedsversoek-ons-word-uitgeroei-en.html
No comments:
Post a Comment