Ons gebedsversoek vir 31 Oktober tot 5 November is dat ons
volk - en in die besonder ons volksleiers - sal terugkeer na die Waarheid van
die Bybel.
31 Okt herdenk ons die Groot Kerkhervorming. 31 Okt 1517 het
Maarten Luther sy 95 besware teen die valse leringe van die Roomse Kerk teen
die Kerkdeur van Wittenberg vasgespyker. Deur die bewarende hand van ons Heer
is hy nie soos sy voorgangers op die brandstapel vermoor nie en kon die
Hervorming momentum kry. Daarna het Calvyn, Bullinger, Zwingly, Knox, Beza, en
andere die stryd om die waarheid voortgesit en die protestantse kerk laat
terugkeer na die Bybel. Ongelukkig het die hoofstroom kerke weer afgedwaal en
onsmense het eiesinnig geword. Dit is nou weer tyd om terug te keer na God en
Sy Woord. Ons moet ons aan Sy gesag onderwerp.
Kom ons bid hierdie week - 14-20 Nov vir mekaar. Ons bid vir
medegelowiges wat ernstig voor God verootmoedig, maar worstel met sonde en
bindinge van Satan. Ag Vader, wees ons genadig en breek Satan se bindinge - in
die Naam van Jesus.
Ons gebedsversoek vir 21-27 November, Tugtig my HERE, maar
met mate; nie in u toorn, dat U my nie te klein maak nie.
JEREMIA 10:24 AFR53
Ons volk staan onder God se strafgerig. Ons word verdruk
deur vreemdelinge volgens Sy belofte. "Die vrugte van jou land en al jou
werk sal ’n volk eet wat jy nie ken nie; en jy sal altyddeur net verdruk en
hard behandel word."
DEUTERONÓMIUM 28:33 AFR53
Baie van ons volksgenote kry swaar. Baie het hul werk
verloor. Baie het geliefdes verloor. Baie word verguis en verneder. Ons vra vir
genade en barmhartigheid van ons liefdevolle Vader.
No comments:
Post a Comment